![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Është arrestuar autori i plagosjes me thikë të një elektricisti mbrëmjen e djeshme në fshatin Kotë të Vlorës.
Policia ka bërë të ditur se ka vënë në pranga Dhimitër Çelajn, 35 vjeç, banues në fshatin Kotë, Vlorë, i cili dyshohet se për motive të dobëta ka plagosur rëndë me mjet prerës (thikë) bashkëfshatarin e tij shtetasin D.M., 49 vjeç, i cili ndodhet në Spitalin Rajonal Vlorë në gjendje të rëndë shëndetësore.
Njoftimi i policisë
Policia ka arrestuar në flagrancë shtetasin:
– Dhimitër Çelaj, 35 vjeç, banues në fshatin Kotë, Vlorë.
Policia ka bërë arrestimin e shtetasit Dhimitër Çelaj, pasi ditën e djeshme në fshatin Kotë, ky shtetas dyshohet se për motive të dobëta ka plagosur rëndë me mjet prerës (thikë) bashkëfshatarin e tij shtetasin D.M., 49 vjeç, i cili ndodhet në Spitalin Rajonal Vlorë në gjendje të rëndë shëndetësore.
Materialet iu referuan Prokurorisë për veprën penale “Plagosje e rëndë me dashje”, neni 88 i Kodit Penal.
Ngjarja
Një plagosje me thikë ka ndodhur mbrëmjen e sotme në Vlorë. Një 49-vjeçar ka mbetur i plagosur me thikë pas konfliktit me dy bashkëfshatarë për motive të dobëta. Ai është dërguar me urgjencë në spital për ndihmë mjekësore.
Ndërkaq policia ka bërë të mundur shoqërimin e dy shtetasve si autorë të dyshuar pranë ambienteve të Drejtorisë Vendore të Policisë Vlorë. Rreth orës 19:20, në fshatin Kotë, Vlorë, pranë vendit të quajtur “Pularia”, pas një konflikti fizik, ka mbetur i plagosur me mjet thikë 49-vjeçari me inicialet D. M., i cili ndodhet në Spitalin Rajonal Vlorë duke marrë ndihmë mjekësore.
Burimet thanë se i plagosuri është me profesion elektricist. Po kryhen veprimet e mëtejshme procedurale në lidhje me sqarimin e rrethanave të ngjarjes.